(只备繁体中文版)
Shall We Talk? 講我聽 聽我講 - 談話小技巧
良好的談話技巧和態度有助你向情緒受困擾的人士傳遞關懷和鼓勵。要有效地開解對方,避免讓人覺得「話不投機」,可以參考以下的小建議,改善談話技巧。
盡量避免:以教導、指揮或高人一等的方式或語氣向對方給予意見
- 「你應該⋯⋯」
- 「你要⋯⋯」
- 「無論點都好,你都係⋯⋯」
可以嘗試:以平等的心態表達意見
- 「我提議你可以試吓⋯⋯」
- 「如果你覺得適合,不如⋯⋯」
- 「你想唔想聽吓我嘅意見?」
盡量避免:過早以解決問題、講道理或純理性分析等方式來回應對方的情緒困擾
- 「其實你咁失望都無用㗎。」
- 「唔開心你咪去散吓心先囉。」
- 「佢煩住你,你可以唔理佢。」
- 「生活必然有壓力,無人可以避免。」
可以嘗試:以同理心代入對方的處境,簡述對方說話背後的感受
- 「你覺得好失望,好洩氣。」
- 「你唔開心,亦無心情去娛樂。」
- 「你覺得佢煩住你,個心好亂。」
- 「雖然已經好似習以為常,但你仍然覺得有壓力。」
盡量避免:因沉默或話題敏感而感到有壓力,急着紓緩氣氛而結束或帶開話題
- 「越講就越唔開心,算罷啦。」
- 「唔好講埋啲衰嘢啦,不如傾吓⋯⋯」
可以嘗試:耐心等待,保持安靜,給對方時間預備
- 有時候無聲勝有聲,若覺得對方可接受的話,可善用身體語言
- 適當地凝望對方,表示自己仍然守候着
- 輕拍對方的肩膀,表示支持
盡量避免:在對方還未預備好傾談時,催逼對方
- 「快啲講出嚟人哋咪明白你囉。」
- 「你唔好吞吞吐吐,快啲講啦。」
- 「你係都唔講,我幫唔到你個喎。」
可以嘗試:若留意到對方暫時不願多談,可表示體諒和尊重,並留下再溝通的機會
- 「似乎你暫時唔想多講,我會尊重你。」
- 「當你覺得適合時,請你同我傾。」
盡量避免:說毫無根據的安撫話
- 「一定無事,放心。」
- 「你實得嘅,唔使擔心。」
可以嘗試:持平表達,保持樂觀,帶出希望
- 「將來有好多變數,最壞嘅未必一定發生。」
- 「我都覺得有難度,好希望你可以突破到。」
- 「而家我哋係未諗通,可以再想辦法或者搵其他人幫手。」
談話是一個與別人不斷互動交流的過程。大家可以參考以上的建議並且靈活變通,令別人能夠在困苦時刻得到適切的支持和安慰。
如遇上危機而急需援助,請致電999要求緊急服務
shallwetalk.hk
2020年製作