肌肉鬆弛法

練習肌肉鬆弛法嘅時候,最好係一個寧靜嘅環境,安坐在椅裡,背靠椅背,雙手放在身體邊 ,雙腳平放地面,我地而家就一齊開始做肌肉鬆弛練習。

標題 內容
  • 雙手握拳
  • 慢慢放開拳頭
請你雙手握拳,有咁實握到咁實,感覺一下前臂肌肉拉緊嘅感覺,停,然後慢慢放開拳頭,又感覺一下前臂肌肉放鬆嘅感覺。放鬆!
  • 雙手屈起, 手腕貼近膊頭
  • 慢慢把雙手放下
請你雙手屈起,手腕盡量貼近膊頭,收緊手瓜,感覺一下上臂肌肉嘅拉緊,停!然後慢慢將雙手放番落嚟!感覺一下上臂肌肉放鬆嘅感覺。放鬆。
  • 縮起膊頭 貼近耳朵
  • 慢慢把膊頭放下
請你將膊頭縮起,膊頭盡量貼近耳朵,感覺一下頸背同膊頭肌肉嘅拉緊,停,然後慢慢將膊頭放番落嚟!感覺一下膊頭肌肉放鬆嘅感覺。放鬆。
  • 雙手托頭後部,頭部向後用力,雙手向前推
  • 慢慢把雙手放下
請你將雙手托著頭後面,然後個頭向後用力,雙手向前推,感覺一下頸部肌肉嘅拉緊。停,然後慢慢將雙手放番落嚟,感覺一下頸部肌肉放鬆嘅感覺。放鬆。
  • 雙手放於前額,頭向前用力,雙手向後推
  • 慢慢把雙手放下
請你將雙手放喺前額,然後個頭盡量向前用力,雙手向後推,感覺一下頸部肌肉嘅拉緊。停,然後慢慢將雙手放番落嚟,感覺一下頸部肌肉放鬆嘅感覺。放鬆。
  • 膊頭向後彎
  • 慢慢把膊頭放回原位
請你將膊頭向後彎,感覺一下背部肌肉嘅拉緊。停,然後慢慢將膊頭放番去原來嘅位置。感覺一下背部肌肉放鬆嘅感覺。放鬆。
  • 雙腳離地伸直,腳尖指向前
  • 慢慢把雙腳放下
請你將雙腳稍為離地伸直,腳趾尖指向前面,感覺一下腿部肌肉嘅拉緊。停,然後慢慢將雙腳放番响地面。感覺一下腿部肌肉放鬆嘅感覺。放鬆。
  • 雙腳離地伸直,腳尖指向自己
  • 慢慢把雙腳放下
請你將雙腳稍為離地伸直,腳趾尖指向自己,感覺一下腿部肌肉嘅拉緊。停,然後慢慢將雙腳放番响地面。感覺一下腿部肌肉放鬆嘅感覺。放鬆。

呢個係一個肌肉鬆弛練習的簡單示範,大家起屋企練習的時候,記得將每組動作最少重複兩次,咁樣你就可以更加有效放鬆肌肉。